• 實媒體 Pragmatic Media

799公里徒步行,西班牙聖雅各朝聖之路(二)

清晨6點,鬧鐘響起。喺Hostel梳洗完,飯廳已經有幾位來自唔同國家既老友記悠閒地食緊早餐準備好出發。當日天氣約2度,預計山上應該 -7度有雪,對於第一日要行高山係相當唔友善既天氣,不過老友記們都係一面輕鬆。出門行到山腳起點,其中一位大約50幾歲既丹麥老友記邀請我同行,佢係一個高級餐廳廚師,喺歐洲各地擁有幾間餐廳,純粹好玩就放低生意過黎朝聖。




































朝聖者每日既目標就係由一個城鎮行到目標距離城鎮既庇護所 (ALBERGUE) 落腳。庇護所係畀朝聖者住既地方,簡單黎講就係朝聖者專用既平價hostel。提供一張床一個枕頭,睡袋自備,

有得沖個涼有得差電,同埋一定會有洗衫設備。價錢平均€5-€10一晚視乎地點,某D地方會用Free donation,自由定價。訓個教第朝再上路。視乎地點,每間房由10人至200人都會有。

庇護所一般都係朝早八點要check out,所以每朝六七點就要起身,食個早餐就起行。行幾多因人而異,一般行20-30km,小明行30-40km,最遲四點左右就要搵地方落腳。




























貝殼係屬於朝聖者既信物,每個朝聖者身上都會掛一塊。沿途既路標同設施都會用黃色貝殼符號設計,好很清晰。除左朝聖者之間相認外,當地人認到你,野食裝多d,啤酒送多杯,埋單打折仲請你食糖,最後都會放低句 Buen camino 「朝聖旅途愉快」!















第1日既行程係大半路程都係45度角上山,越行越大雪既環境下奇蹟完成。 一路行一路叫救命一路畀啲掙扎,同丹麥老友記行左8個幾鐘後到達起點17公里外城鎮 Roncesvalles,入住旅途第一間庇護所。



17 次瀏覽0 則留言