• 實媒體 Pragmatic Media

799公里徒步行,西班牙聖雅各朝聖之路(三)

旅途第五日,正是小編三十歲生日,亦都係會決定行呢條路既其中一個原因。 正所謂「我覺得男人到左三十歲仲要依賴交通工具真係好可憐」,咁就一於行路玩大佢啦。






整條799公里既步道都會有密集既貝殼設計路標作為指示,從頭到尾無需要睇地圖基本都唔會迷路。而且路途上一定會有其他朝聖者同行,視乎路段多則百幾人少既都有兩三人。大家目標相同,好容易就會搭到話一齊行。不過由於體力同腳程個個唔同,好多同行伙伴都只能一期一會。第1日一齊起步既丹麥老友記都係第4日左右就失散左,每日都係結識新伙伴同埋撞返舊伙伴既節奏。



雖然之後既路無第1日行到上雲層咁癲,不過每日都總有堆崎嶇上落山路要行同埋帶住大約10kg行李。每日大約由朝早8點左右行到下晝3點,25公里左右路程。每日持續咁行傷患疲勞未復原得切,新傷又累積落去,每個人對腳都出現不同程式既傷。Check in既都跪求佢地比下格床我,因為上落一次上格床對腳都已經痛到痴線。



行朝聖路既人來自世界各地都有,當中近半係老友記,減罪尾班車?遇過最老既伯伯今年77歲,而我既行路速度同佢差唔多。 佔少數既亞洲人當中,九成係黎自韓國。據講係有d 韓版選旅遊書同blog不停推介所以係韓國好出名,同埋有大學既科可以用黎做FYP


旅途第7日,去到朝聖路上其中一個最重要checkpoint - Wine Fountain。 即係一個打開就會無限出紅酒既水龍頭,同班老友記滿心期待行到過去既時候,無野出既 !? 原來我去嗰日係五一勞動節假,然後對上兩日係星期六日。酒廠工唔開工,三日無人FILL酒落去。


每日都有好清晰既目標,每人都有好明確既最終目標,但係每日都總有好多不似預期既事。好多人話淨係行路唔悶咩?其實每日都充滿驚喜。




19 次瀏覽0 則留言