• 實媒體 Pragmatic Media

799公里徒步行,西班牙聖雅各朝聖之路(一)


2010年電影《The Way 朝聖之路》講一個中產醫生老豆個仔,放棄讀博士走左去旅行。臨走因為對生活既睇法唔同而同老豆鬧左交。過兩日老豆收到電話話佢個仔死左喺西班牙,老豆飛

去處理身後事知道佢開始行朝聖之路既時候出左意外,然後就決定帶埋個仔既骨灰代佢行。由最初唔習慣到識左班奇怪朋友一齊上路,最後行到終點,將個仔既骨灰撒落太平洋。幫個仔完成朝聖同時亦都幫自己完成左,開始了解個仔既想法亦重新反思自己既生活意義。

電影中既呢條朝聖之路就係聖雅各之路。由法國南部Saint-Jean-Pied-de-Port到西班牙北部Santiago,全長約799公里,徒步完成平均28-35日。 1993年被列入世界文化遺產,每年約有十萬人行。完成路程到達終點後可獲教庭頒發證書,據講此證書可以減半人世間所犯既一切罪。小編深知就算減半罪行都係十惡不赦 ,不過依然決定喺30歲生日前夕踏上旅途。
































起步朝聖前首先要去Pilgrim office 登記,除左起點外沿路都會有,因為有部分人會選擇唔行全段。放低2歐羅有本朝聖passport、有疊地圖資料同一塊貝殼。Passport 用黎儲印仔記錄行程同埋入住庇護所。貝殼係屬於朝聖者既聖物,每個人都會掛一塊係身。而幾百個今日出發既人之中,只有一個痴線佬係香港人。















































據有經驗人士講, 第一日係最艱辛既。因為要穿過分隔法國同西班牙既庇里牛斯山,斜度極高。如果天氣好都還可以,而我出發既呢日佢落雪。電影入面個仔就係死係呢度,而現實亦都的確有人係度提早面聖。係起點登記完搵間旅館過左一晚夜,預備第朝6點身就起行。




20 次瀏覽0 則留言