• 實媒體 Pragmatic Media

<製造敵人的文化>

如果要減少內鬥及團結權力體制,必先在政局內製造敵人,以角力方式將外在因素排除,在香港議會內,呢套文化發揮得淋漓盡致。

廿幾年來,議會內外的爭論只係將寫好嘅劇本如預期所發揮,我地只係觀眾,泛民與建制兩大主角的鬥爭,只係我地從媒體所見既假象,在泛民立場上我稱之為永續革命,直到網絡開始發達,而泛民廿幾年來都未能爭取民主自由起才引起懷疑。但其實如果細心去睇,呢套鬥爭學或製造敵人的文化正正係中國拿手好戲,由中共竊國數十年來,往往將國與國之間既鬥爭放上枱面,如反日情緒就係其中之一,自己製造一個敵人讓國民圍之,減少自己內鬥及增加佢地所謂大中華既民族性,所以中國內大部份都係抗日電影及小說,實情唔係單單乜嘢國仇族恨咁簡單。而日本在被動的一方亦只好被迫客串,又或者咁講,加害者作為邪惡一方,你都無辦法去阻止對方嘅仇恨加深。而面對台獨話題亦如是,將敵人製造好,將正邪兩方都刻畫出其個性,無止境地演落去,但台灣沒有日本那麼想演,兩者之間的不同就係中國無辦法喺台獨立場上做受害者角色,只能單純挑起戰爭邊緣話題,引導百姓以破壞和平等論述去持續製造敵人,而且肯合作去配合中共演出的,大概只係得國民黨。

如果細看數十年來的歷史,大概大家都會了解到點解議會作用為零,兩方都係為左自己利益而演出,實際係點去行? 每一步都已由熟讀厚黑學既中共編排好,話唔定有人係唔知情被演出,但往往演了好幾次後,就發現自己無辦法唔演而配合落去。再黎一個好簡單既比喻,動漫界近年常見話題:呢個世界點解需要魔王?因為無魔王嘅話,勇者就要失業了,不論香港係先有魔王定勇者,但最起碼知道香港個勇者無心去挑戰魔王怕失業。

所以作為第三勢力嘅本土派幾年來遭受兩方指罵是常理,一個餅一直以嚟就只有兩個人分,有第三個人分時就係要背後有人出手阻止,不論係中共定港共,到現時本土及獨派註定無法再去參選分餅,唯有靠市民自己去打破個僵局,醒覺的人多了,平衡就可以不攻自破。再講白少少,建制全面統治議會,政府亦唔會樂見此情況,建制的醜態更會暴露於市民面前,而人民就會想從議會以外的方式去爭取,所以本土派叫醒嘅唔係泛民,係香港人。

12 次瀏覽0 則留言

最新文章

查看全部