• 實媒體 Pragmatic Media

【 #黃色經濟圈|和你宵—沙田 】

有去過鬧市區「和你宵」既讀者再去沙田呢個應該會有好大落差感,不過麻雀雖小,產品種類都算多。

場地方面則由前E-kids成員Tommy阮民安向Club One租借天台,再免費借出。


一入門口左手邊就見到用氣球紮起「香港人加油」既裝飾。小編9點左右喺現場見到人流吾算多,吾知係咪因為Tommy喺Club One入面開緊小型concert 既原因,攤檔比較少人啦。


呢檔係主打賣韓國直送衣著既本地網店,服裝以年輕市場為主。小編上呢個網店睇番除左衫褲,有不同風格既袋、飾物,想行斯文路線又得,運動休閑又得。


除左老是常出現既本地創作攤檔,有啲檔賣鎖匙扣、飾物,印有「香港加油」既書簽、相架,仲有送禮最啱用既乾花擺設。

攤檔不乏有DIY作品義賣,麻繩手織公仔、放飾物既裝置,都有原材料俾大家買返屋企DIY。學生用心製作既手工皂、水果味潤唇膏都放喺到寄賣。


為左吸引不同年齡層既市民,一向傳統花市有既乾貨喺呢到都見到。乾果零食、海味同花茶葉等等。

而呢晚有吾少家長帶住小朋友來「和你宵」一下。


其中最吸引人流既係冬菇亭呢一檔,除左有啲印有字句既水牌、自家製啤牌、利是封,仲有提供野飲俾在場市民購買。另外,檔主亦有準備全城搶購既口罩歡迎市民票取。


其實一向好多本地薑四岀尋覓商機,香港人創意無限,但奈何呢個地方土地資源有限。所以無論你係支持咩顏色,身為土身土長既香港人都應該要多多支持呢班有夢想既年輕人。


黃色經濟圈 #實媒體 #實媒 #和你宵 #本地薑#實媒星期六小編胡迪仔

52 次瀏覽0 則留言